هل اكون انسان طموح ام اكون طوبي ساذج ؟؟؟
انا ربما اطيل واضع كل ما عندي من معلومات بين ايديكم وانتم الحكم بس انا لن اكون منصف انا هاكون شكاك ومعبر عن وجهة نظري
بقانون كذا لسنه كذا تقريبا من ايام جمال عبد الناصر تم انشاء شركة مدينة نصر لتنفيذ المشروعات العمرانية في المنطقة المحددة لها طبقا والقانون
علي ان تقوم بتسويق المشروعات بمعرفتها ويتم تسليم المنطقة للحي بعد تنفيذ المشروع ولا صله للشركة بعد ذلك بالمشروع ولا يجوز لها استثمار اي اراضي فضاء غير مخصصه لها
ويكون لها وحدها حق التقسيم والبناء والبيع لهذه الاراضي
وكانت تعد بمثابة هيئة المجتمعات العمرانية الجديدة لمنطقة مدينة نصر
وكانت صفة الاسكان اسكان شعبي متوسط / وفوق المتوسط
وما تقدمة من اسكان باسعار غير تجارية هو العائد علي الشعب المصري من حقة في الارض والتي تمت بنائها بمعرفة شركة مدينة نصر لتعيدها بدورها لخدمة المواطن المصري بسعر التكلفة مضاف اليه هامش التشغيل المقبول
وطبقا لذلك فمتوسط سعر الشقة بمنطقتنا وقت المشروع 20 الف جنيه شامل تكاليف البناء وارباح الشركة المنفذة والارض اصلا ملك للدوله ويسكنها الشعب
وتبدء من بعد ذلك المكاسب
فالشركة تعطي تسهيلات في السداد ل 15 سنه لتبيع الوحه باجمالي سعر 48 الف جنيه يعني ال20 بعد 15 سنه بقوا 48
للي بعده
بعض العقود نصت بها علي ان لكل وحدة حصة من مساحة الارض كما يلي
والبعض الاخر اغفلت فيه هذا البند !!!! يعني ايه يعني الشقه حق انتفاع بمعني اوضح انت تملك الشقة وتنتفع بالارض طيب لا قدر الله اذا العقار ازيل او هدم او اي شيء من هذا القبيل بعد اذنكم يروح يدور علي حته او حد من اهله يعيش عنده
دي نقطة
يعني اللي مكتوب في عقده كدة لا قدر الله اذا اصاب عقارة مكروه هو وباقي السكان اتحاد ملاك يجمعوا ويبنوا علي نفس قطعة الارض عمارة تأويهم ............
ليه العجله دي هو انتم اصلا سجلتم قطعة الارض هل مع احد منكم عقد اخضر او ازرق يعني عقد بيع نهائي اصل الابيض ده عقد ابتدائي يعني احنا لسه علينا التزام ولم نملك الوحده بعد يعني برضه شقتك في العش ولا طارت او عفوا ملكيتك في العش ولا طارت
يعني لو زلزال شديد او دبابه محترمة مرت من عندنا او اساسات عمارات جديده اثرت علي اساس عماراتنا احنا محصلناش ابو نكله
تتفضل الشركة تعطينا تعويض مجزي طبقا لما تقررة وتقدرة للوحدة بمعرفتها لاخلاء العمارة وبعدين تبقي بقي شركة مدينة نصر ولا حول ولا قوة لها تحل مشاكلها وتبني مشروع من جديد ( كما كان سيحدث بالنقابات ) طبعا مشروع جديد باسعار خياليه
طيب تسليم الشقه كلنا عارف التشطيب والمنافع والمرافق اعمدة الانارة بالمشاريع لم تنار يوم بخلاف التشجير والمساحات الخضراء الملحقة بكل عقار والتي تم تحصيل مبلغ 250 جنيه عن كل وحده يعني كل وحده عل الاقل بالـ19 عمارة تم تحصيل 250 عن كل وحده
يعني 19*47 = 893 وحده 893 * 250 جنيه = 223250 جنيه كان واجب التشجير بهم ولم يتم التنفيذ طيب نرجع للخلف شويه
ونقول تاني كان لنا عند مدينة نصر 250 سنة 92 وممكن من قبل ذلك لان انا اعرف من سدد سنه 91
طيب من 92 تاريخ تسليم المشروع حتي اليوم 19 سنة يبقي لنا عندهم تشجير بسعر اليوم مبلغ 723.80 جنية عن الشقه
يعني لمشروع الـ19 بس مبلغ 646361.00جنيه عن 893 وحده ده علي حسبة معدل التضخم لشركة مدينة نصر في تقسيطها
طيب لو قيمنا المبلغ علي اسعار السوق الشقه ب135الف كمتوسط / 21الف *223250 = 1435178 يعني مليون ونصف تقريبا
طيب ممكن كمان نحسبها بفائدة البنك المركزي المعلنه 9% للسنه
اعتقد كفاية كده
لان المبلغ المستحق للتشجير لمشروع الـ19 عمارة فقط بسعر اليوم هو مبلغ التبرع المزعوم من شركة مدينة نصر لتطوير وتجميل الحي بالكامل ؟؟؟؟
شغل مفيش حاجه اسمها تبرع
في ان هناك مسأله قد تحدث وخاصه ان الشركة اصبحت غير تابعه للدوله
ملهاش حصانه
طيب والمغزي من كل ده ايه
هو ان
حلو يا حلو شركة مدينة نصر بينا بيحلو
للموضوع بقيه
ومش اي بقية
العبرة بالنهاية
ليست هناك تعليقات:
إرسال تعليق